सांगू कशी कहाणी -- गझल

सांगू कशी कहाणी ना शब्द ये मुखात 
हैराण रोज करते राणी मला मनात ..
.
स्वप्नात मीच राजा करतो किती रुबाब  
दिसता समोर पण "ती" झुकतोच वास्तवात ..
.
गातो सुरेल मीही त्या कोकिळेसमान 
मौनात कंठ माझा दिसताच ती पुढ्यात ..
.
आदेश सोडतो मी राज्यात खास रोज 
हुकुमास पाळतो मी शिरता शयनगृहात ..
.
ठाऊकही प्रजेला राजा असून दास  
राणी न ऐकते हो माझी कधीच बात ..
.

कोणत्याही टिप्पण्‍या नाहीत:

टिप्पणी पोस्ट करा