ऐकता आश्वासनेही .. [गझल]


ऐकता आश्वासनेही हाय जनता मूर्ख बनते
पूर्ण ना होती कधी ती खंत कोणालाच नसते..

शेकडो कामे बरोबर आजवरची जाहलेली
माणसाचे मन तरीही का चुका शोधीत बसते..

परवडे ती थेट काही साप सरड्यांशीच मैत्री
दंश करणे रंग बदलत मानवाची वृत्ति डसते..

मोगरा गुपचुप सुगंधी माळते केसांवरी ती
जाहिरातीचीच संधी उघड वाऱ्यालाहि मिळते..

फाटकेही घालण्याला ना मिळे काही जिवांना
रोज फ्याशन तोकड्या अन फाटक्यांची का मिरवते..
.

कोणत्याही टिप्पण्‍या नाहीत:

टिप्पणी पोस्ट करा