आगमनाची वर्दी मिळता - [गझल]

आगमनाची वर्दी मिळता घडते नकळत काही तरी
उलथापालथ चालू होते हृदयी माझ्या थोडी परी .. 

तू येण्याच्या आशेने पण मन मोहरते उत्सुकपणे
इकडे तिकडे मन भिरभिरते लावुन डोळे रस्त्यावरी ..

लगबग त्याची तुज भेटाया अपुरी शब्दातुन सांगणे
करणे नाही इतरांसाठी नसती चुळबुळ धावा करी ..

दिसुनी येता माझ्याआधी तुझिया ओढीने धावते
मृगजळ असता मिळतो साठा जणु पाण्याचीच विहिर खरी ..

आली दोनच मिनिटासाठी कळते त्याला ना आवडे
जरि संभाषण होई तोंडी का मन व्रत मौनाचे धरी ..
.